Velkommen til Statens sivilrettsforvaltning
Statens sivilrettsforvaltning (tidligere Justissekretariata) er eit statleg forvaltningsorgan underlagt Justisdepartementet. Våre arbeidsoppgåver er i vesentlig grad knytte til behandling av enkeltsaker. Statens sivilrettsforvaltning fatter vedtak på fleire sivilrettslige felt: rettshjelp, erstatning etter straffeforfølging, tomtefeste og stadfestelse av testamenter. Vi utfører også sekretariatsfunksjonar for Erstatningsnemnda for voldsofre, Stortingets billighetserstatningsutvalg og for Den rettsmedisinske kommisjon. Statens sivilrettsforvaltning er eit kompetansesenter og er premissleverandør i forhold til lovarbeid på fagområdene.
Sekretariatet for Erstatningsnemnda for valdsoffer
Sekretariatet førebur og legg fram innstilling til vedtak for Erstatningsnemnda for valdsoffer i saker som gjeld klage på vedtak om valdsoffererstatning. Kontoret for valdsoffererstatning behandlar søknader om erstatning i første instans.
Sekretariatet for Stortingets rettferdsvederlagsutval
Sekretariatet tek imot søknader om rettferdsvederlag, førebur sakene og legg fram innstilling til Stortingets rettferdsvederlagsutval.
Den rettsmedisinske kommisjonen
Den rettsmedisinske kommisjonen har sekretariat i Statens sivilrettsforvaltning. Kommisjonen har som primæroppgåve er å behandle fråsegner frå rettsmedisinsk sakkunnige i straffesaker. Vidare skal kommisjonen kunne gi råd til brukarar og utøvarar av rettsmedisinsk sakkunne og ta initiativ til tiltak som kan medverke til å heve kvaliteten på rettsmedisinsk arbeid og bruken av det.
Erstatning i anledning strafforfølging
Statens sivilrettsforvaltning avgjer krav om erstatning i anledning strafforfølging, jf. straffeprosesslova kap. 31. Krav om erstatning skal fremjast for det politidistriktet som etterforska saka. Påtalemakta gir uttale i saka og sender henne til Statens sivilrettsforvaltning for avgjerd.
Fri rettshjelp
Statens sivilrettsforvaltning er eit kompetansesenter for den offentlege ordninga med fri rettshjelp. Vi behandlar klager over vedtak som fylkesmennene og fylkesnemndene har gjort. Statens sivilrettsforvaltning behandlar òg klager over salær som ikkje er fastsette av domstolane.
Tomtefeste
Statens sivilrettsforvaltning behandlar klager over vedtak som fylkesmennene gjer når det gjeld oppreising ved oversitjing av frist for å krevje innløysing eller forlenging av festeforholdet, og kva som skal følgje med ved innløysing av punktfeste og i område der det er festa bort tomter til fritidshus etter ein samla plan.
Stadfesting av testament
Enkelte testament må stadfestast av Kongen for å vere gyldige. Denne kompetansen ligg til Statens sivilrettsforvaltning. Statens sivilrettsforvaltning hjelper ikkje til med å opprette sjølve testamentet.